CURRENT AFFAIRS

కరెంట్ అఫైర్స్ (జూన్ 22 - 28, 2018)

అంతర్జాతీయం 

యూఎన్ హెచ్‌ఆర్సీ నుంచి వైదొలిగిన అమెరికా 

ఐక్యరాజ్యసమితి మానవహక్కుల మండలి (యూఎన్-హెచ్‌ఆర్సీ) నుంచి అమెరికా జూన్ 20న ైవె దొలిగింది. హెచ్‌ఆర్సీ ఇజ్రాయెల్‌పై పక్షపాత వైఖరిని అవలంబిస్తున్నందుకే ఈ నిర్ణయం తీసుకున్నట్లు అమెరికా రాయబారి నిక్కీహేలీ, విదేశాంగ మంత్రి మైక్ పాంపియో వెల్లడించారు. తాజాగా మెక్సికో అక్రమ వలసదారులపై అమెరికా అనుసరిస్తున్న ‘జీరో టాలరెన్స్’ విధానం సరైంది కాదని యూఎన్-హెచ్‌ఆర్సీ పేర్కొంది. దీంతో ట్రంప్ యంత్రాంగం మండలి నుంచి వైదొలుగుతున్నట్లు ప్రకటించింది. అలాగే ఇజ్రాయెల్‌పై కఠిన వైఖరిని అవలంబిస్తుందని ఆరోపిస్తూ అమెరికా ఐరాస అనుబంధ సంస్థ యునెస్కో నుంచి 2017లో బయటకొచ్చింది.
ప్రపంచవ్యాప్తంగా మానవహక్కుల పరిరక్షణకు జెనీవా కేంద్రంగా ఏర్పడిన యూఎన్ హెచ్‌ఆర్సీలో ప్రస్తుతం 47 సభ్యదేశాలున్నాయి.

Short Description:

News : యూఎన్-హెచ్‌ఆర్సీ నుంచి ైవె దొలిగిన దేశం
Date : జూన్ 20 : అమెరికా : ఇజ్రాయెల్‌పై యూఎన్-హెచ్‌ఆర్సీ పక్షపాత వైఖరిని అవలంబిస్తుందని ఆరోపిస్తూ 

ముగిసిన గ్రీస్ సంక్షోభం 

ఎనిమిదేళ్లుగా బెయిలవుట్ ప్యాకేజీలపై నెగ్గుకొస్తున్న గ్రీస్ సంక్షోభం నుంచి గట్టెక్కనుంది. ఈ మేరకు రుణాల చెల్లింపుపై గ్రీస్‌తో ఒప్పందం కుదిరిందని యూరోపియన్ యూనియన్ తెలిపింది. దీంతో రుణాల చెల్లింపు గడువును 10 ఏళ్లు పొడిగించడంతో పాటు మరో 15 బిలియన్ యూరోలు గ్రీస్‌కు అందనున్నాయి.
ఒప్పంద షరతుల కింద 2019లో పింఛన్లలో కోత విధించడంతో పాటు ఆదాయ పన్ను మినహాయింపు పరిధిని తగ్గించేందుకు గ్రీస్ అంగీకరించింది. 2010 నుంచి గ్రీస్ 273.7 బిలియన్ యూరోల మేర నిధులను బెయిలవుట్ కింద పొందింది. ఈ సంక్షోభం ధాటికి గీస్‌లో 4 ప్రభుత్వాలు మారాయి. ఎకానమీ 25% క్షీణించింది. నిరుద్యోగిత 20% పెరిగింది.

సౌదీలో మహిళల డ్రైవింగ్ ఉత్తర్వులు అమలు 

సౌదీ అరేబియాలో మహిళల డ్రైవింగ్‌పై నిషేధాన్ని ఎత్తివేయడంతో మహిళలు జూన్ 24న వాహనాలతో రోడ్లపైకొచ్చారు. కార్లతో సందడి చేస్తూ, సంబరాలు చేసుకున్నారు. దాదాపు 4 దశాబ్దాలుగా మహిళల డ్రైవింగ్‌పై ఉన్న నిషేధాన్ని ఆ దేశ యువరాజు బిన్ సల్మాన్ ఇటీవల ఎత్తివేశాడు. ఈ ఉత్తర్వులు 2018, జూన్ 24 నుంచి అమల్లోకి రావడంతో మహిళందరు రోడ్లపై వాహనాలతో కన్పించారు.

Short Description:

News : సౌదీలో మహిళల డ్రైవింగ్ ఉత్తర్వులు అమలు
Date : జూన్ 24 : ఆ దేశ యువరాజు బిన్ సల్మాన్ : సౌదీ అరేబియా
Reason : మహిళల డ్రైవింగ్‌పై ఉన్న నిషేధాన్ని ఎత్తి వేయడంతో

టర్కీ అధ్యక్ష ఎన్నికల్లో ఎర్డోగన్ గెలుపు 

టర్కీ అధ్యక్ష ఎన్నికల్లో జస్టిస్ అండ్ డెవలప్‌మెంట్ పార్టీ అభ్యర్థి రెసెప్ తయ్యిప్ ఎర్డోగన్ (64) మరోసారి విజయం సాధించారు. జూన్ 24 న జరిగిన ఓట్ల లెక్కింపులో ఎర్డోగన్‌కు 52.5 శాతం, ఆయన ప్రత్యర్థి ముహర్రెమ్ ఇన్సేకు 30.6 శాతం ఓట్లు దక్కాయి. తాజా ఫలితాలతో ఎర్డోగన్ మరో ఐదేళ్ల పాటు అధ్యక్ష పదవిలో కొనసాగుతారు.
అధ్యక్ష ఎన్నికలతో పాటు 600 సీట్లున్న టర్కీ పార్లమెంటుకు జరిగిన ఎన్నికల్లో ఎర్డోగన్‌కు చెందిన ఏకేపీ పార్టీ 293 స్థానాలను దక్కించుకోగా, మిత్రపక్షం ఎంహెచ్‌పీ 50 సీట్లు గెలుచుకుంది.

Short Description:

News: టర్కీ అధ్యక్ష ఎన్నికలు 2018
Date : జూన్ 24 : రెసెప్ తయ్యిప్ ఎర్డోగన్ : టర్కీ

జర్మనీలో ప్రపంచ ఆహార సదస్సు-2018

జర్మనీ రాజధాని బెర్లిన్‌లో ప్రపంచ ఆహార సదస్సు-2018ను జూన్ 26న నిర్వహించారు. ఈ సదస్సులో తెలంగాణ విత్తన ధ్రువీకరణ సంస్థ డెరైక్టర్ డాక్టర్ కేశవులు, వేములవాడ ఎమ్మెల్యే సీహెచ్ రమేశ్ పాల్గొన్నారు. ఈ సందర్భంగా గ్లోబల్ సీడ్ వ్యాలీగా తెలంగాణను తీర్చిదిద్దేందుకు సహకారం అందిస్తామని జర్మనీ ఆహార, వ్యవసాయ మంత్రి జూలియా క్లోవిక్నర్ హామీ ఇచ్చారు. ఇందుకోసం తెలంగాణ ప్రభుత్వం ఎద్దుమైలారంలో 100 ఎకరాల్లో సీడ్ వ్యాలీని ఏర్పాటు చేయడానికి సహాకారం అందిస్తామని, అలాగే గ్లోబల్ సీడ్ అడ్వయిజరీ బాడీ, ఇండో-జర్మన్ నాలెడ్‌‌జ సెంటర్‌ను ఏర్పాటు చేస్తామని ప్రకటించారు. మరోవైపు జర్మనీ-తెలంగాణ మధ్య ఉన్న ఇండో-జర్మన్ ప్రాజెక్టును మరో మూడేళ్లు పొడిగిస్తున్నామని క్లోవిక్నర్ అన్నారు.
2019 జూన్ 26 నుంచి జూలై 3 వరకు హైదరాబాద్‌లో జరిగే అంతర్జాతీయ విత్తన పరిశోధన సంస్థ కాంగ్రెస్‌కు హాజరుకావాలని రాష్ట్ర ఐటీ, పరిశ్రమల శాఖ మంత్రి కేటీఆర్ క్లోవిక్నర్‌కు లేఖ పంపారు. ఆసియాలోనే మొదటిసారిగా నిర్వహిస్తున్న ఈ సదస్సులో పలు దేశాల నుంచి విత్తన నిపుణులు, శాస్త్రవేత్తలు పాల్గొంటారు.

Short Description:

News : జర్మనీలో ప్రపంచ ఆహార సదస్సు-2018

Date : జూన్ 26 : తెలంగాణ విత్తన ధ్రువీకరణ సంస్థ డెరైక్టర్ డాక్టర్ కేశవులు, ఎమ్మెల్యే సీహెచ్ రమేశ్ : బెర్లిన్, జర్మనీ

అమెరికా వలసల చట్టానికి సుప్రీంకోర్టు ఆమోదం 

అమెరికాలోకి పలు ముస్లిం దేశాల నుంచి ప్రవేశాన్ని నిషేధిస్తూ 2017లో తీసుకొచ్చిన వలసల నియంత్రణ చట్టంను ఆ దేశ సుప్రీం కోర్టు ఆమోదిస్తూ జూన్ 26న తీర్పునిచ్చింది. ఈ మేరకు ముస్లింల పట్ల వివక్ష చూపుతున్న ఈ ఉత్తర్వును రద్దు చేయాలన్న పిటిషన్‌ను తోసిపుచ్చింది. వలసల్ని నియంత్రించేందుకు అధ్యక్షుడికి తగిన అధికారముందని తీర్పులో ప్రధాన న్యాయమూర్తి జాన్ రాబర్‌‌ట్స పేర్కొన్నారు.
2017 సెప్టెంబర్‌లో చాడ్, ఇరాన్, ఇరాక్, లిబియా, ఉత్తర కొరియా, సిరియా, వెనెజులా, యెమెన్ పౌరుల రాకపై అమెరికా నిషేధం విధించింది. అనంతరం ఈ జాబితా నుంచి చాడ్, ఇరాక్‌లను తొలగించింది. దీంతో పలువురు కింది కోర్టుల్ని ఆశ్రయించారు.

Short Description:

News : అమెరికా వలసల నియంత్రణ చట్టానికి ఆమోదం
Date : జూన్ 26 : సుప్రీంకోర్టు : అమెరికా : వలసల్ని నియంత్రించేందుకు అధ్యక్షుడికి అధికారముందని

కుటుంబాలు కలుసుకునేందుకు ఉభయ కొరియాల అంగీకారం 

1950-53లో జరిగిన కొరియా యుద్ధం వల్ల దూరమైన కుటుంబాలు తిరిగి కలుసుకోవడానికి ఉత్తర, దక్షిణ కొరియా దేశాలు అంగీకరించాయి. ఈ మేరకు ఇరు దేశాలు జూన్ 22న సంయుక్త ప్రకటన విడుదల చేశాయి. ఇరువైపులా 100 మందిని ఎంపిక చేసి ఆగస్టులో కలుసుకోవడానికి అనుమతిస్తామని ప్రకటనలో పేర్కొన్నాయి. ఎంపికైన వారు తమ బంధువులతో 3 రోజులు గడిపేందుకు సమయమివ్వనున్నారు. విడిపోయిన తమ బంధువులను కలుసుకోవడానికి ద.కొరియాలో 57 వేల మంది రెడ్ క్రాస్ వద్ద దరఖాస్తు చేసుకున్నారు.

జాతీయం 

జమ్మూకశ్మీర్‌లో గవర్నర్ పాలన 

జమ్మూకశ్మీర్‌లో ఎనిమిదోసారి గవర్నర్ పాలన ప్రారంభమైంది. ఈ మేరకు రాష్ట్రపతి రామ్‌నాథ్ కోవింద్ జూన్ 20న ఆమోదం తెలపడంతో జమ్మూకాశ్మీర్ రాజ్యాంగంలోని సెక్షన్ 92 కింద గవర్నర్ పాలనను అమలు చేస్తున్నట్లు ఎన్‌ఎన్ వోహ్రా ప్రకటించారు. పీడీపీ నేతృత్వంలోని సంకీర్ణ ప్రభుత్వం నుంచి జూన్ 19న బీజేపీ వైదొలగడంతో ముఖ్యమంత్రి మెహబూబా ముఫ్తీ తన పదవికి రాజీనామా చేశారు. దీంతో రాష్ట్రంలో గవర్నర్ పాలన విధించాలని రాష్ట్రపతికి వోహ్రా సిఫారసు చేశారు.
జమ్మూ కశ్మీర్ రాష్ట్రానికి కొత్త ప్రధాన కార్యదర్శి (సీఎస్)గా ఆంధ్రప్రదేశ్‌కు చెందిన సీనియర్ ఐఏఎస్ అధికారి బీవీఆర్ సుబ్రమణ్యం నియమితులయ్యారు. అలాగే ప్రస్తుత సీఎస్ బీబీ వ్యాస్‌తోపాటు ఐపీఎస్ అధికారి విజయ్‌కుమార్‌ను గవర్నర్‌కు సలహాదారులుగా కేంద్రం నియమించింది.

Short Description:

News : జమ్మూకశ్మీర్‌లో గవర్నర్ పాలన
Date : జూన్ 20 : గవర్నర్ ఎన్‌ఎన్ వోహ్రా : ముఖ్యమంత్రి మెహబూబా ముఫ్తీ రాజీనామా చేసినందుకు 

ఆధార్ నమోదుకు 18 వేల కేంద్రాలు

దేశవ్యాప్తంగా బ్యాంకులు, పోస్టాఫీసుల్లో 18,000 చోట్ల ఆధార్ నమోదు కేంద్రాలను ఏర్పాటు చేసినట్లు యూనిక్ ఐడెంటిఫికేషన్ ఆథారిటీ ఆఫ్ ఇండియా (యూఐడీఏఐ) సీఈవో అజయ్ భూషణ్ పాండే జూన్ 20న తెలిపారు. ఈ కేంద్రాల్లో ఆధార్ నమోదుతోపాటు బయోమెట్రిక్ ఐడీ అప్‌డేషన్ చేసుకోవచ్చు. కనీసం పది శాఖలకు ఒకటి చొప్పున ఆధార్ నమోదు కేంద్రాన్ని ఏర్పాటు చేయాలని 2017 జూలైలో ప్రభుత్వ, ప్రైవేటు బ్యాంకులను యూఐడీఏఐ కోరింది.

Short Description:

News : ఆధార్ నమోదుకు 18 వేల కేంద్రాలు
Date : జూన్ 20  : యూఐడీఏఐ సీఈవో అజయ్ భూషణ్ పాండే : బ్యాంకులు, పోస్టాఫీసుల్లో

నాలుగో అంతర్జాతీయ యోగా దినోత్సవం 

ప్రపంచవ్యాప్తంగా జూన్ 21న నాలుగో అంతర్జాతీయ యోగా దినోత్సవంను నిర్వహించారు. ఈ సందర్భంగా ప్రధాని నరేంద్ర మోదీ డెహ్రాడూన్‌లోని ఫారెస్ట్ రీసెర్చ్ ఇన్‌స్టిట్యూట్ (ఎఫ్‌ఆర్‌ఐ) క్యాంపస్‌లో 50 వేల మందికిపైగా ఔత్సాహికులతో కలసి యోగాసనాలు వేశారు. ఘర్షణలతో సతమతమవుతున్న ప్రపంచంలో ఐకమత్యం తీసుకొచ్చే శక్తి యోగాకు ఉందని మోదీ పేర్కొన్నారు.
సూరినామ్ పర్యటనలో ఉన్న రాష్ట్రపతి రామ్‌నాథ్ కోవింద్ ఆ దేశ అధ్యక్షుడు డిజైర్ డెలానో బౌటర్స్‌తో కలసి యోగా సాధన చేశారు. రెండు దేశాల అధినేతలు కలసి యోగా సాధన చేయడం ఇదే తొలిసారి.

Short Description:

News: నాలుగో అంతర్జాతీయ యోగా దినోత్సవం
Date : జూన్ 21 : ప్రపంచవ్యాప్తంగా 

యోగాసనాల్లో రాజస్తాన్ రికార్డ్ 

అంతర్జాతీయ యోగా దినోత్సవం సందర్భంగా రాజస్తాన్‌లోని కోటలో నిర్వహించిన యోగా కార్యక్రమం గిన్నిస్ రికార్డుకెక్కింది. యోగా గురు బాబా రామ్‌దేవ్ సారథ్యంలో ఒకేసారి లక్ష ఐదు వేల మంది ప్రజలతో రాజస్తాన్ ప్రభుత్వం, పతంజలి యోగా పీఠ్ ఈ కార్యక్రమాన్ని నిర్వహించాయి. ఈ సందర్భంగా ‘ఆచార్య’ పేరుతో రాజస్తాన్‌లోని ప్రతి జిల్లాలో యోగా సెంటర్ ఏర్పాటు చేయనున్నట్లు సీఎం వసుంధరా రాజే ప్రకటించారు. 2017లో మైసూర్‌లో 55,524 మంది యోగాసనాలు వేసి రికార్డు నెలకొల్పారు.
మరోవైపు యోగా దినోత్సవం సందర్భంగా దేశంలో అత్యధికంగా లక్షా 26 వేల మందితో సామూహిక యోగా కార్యక్రమం నిర్వహించినతొలి ప్రభుత్వ రంగ సంస్థగా సింగరేణి గుర్తింపు పొందింది. 6 జిల్లాల్లోని, 11 ఏరియాల్లోని బొగ్గు గనులు, కార్యాలయాలు, స్టేడియాల్లో ఈ కార్యక్రమాలను నిర్వహించారు. 2016లో సింగరేణి వ్యాప్తంగా 60 వేలమందితో సామూహిక యోగా నిర్వహించి లిమ్కా నేషనల్ రికార్డును ఆ సంస్థ సాధించింది.

Short Description:

News : యోగాసనాల్లో గిన్నిస్ రికార్డ్
Date : జూన్ 21 : రాజస్తాన్ ప్రభుత్వం, పతంజలి యోగా పీఠ్ సంయుక్తంగా: కోట, రాజస్థాన్
Reason : లక్షా ఐదు వేల మందితో యోగా నిర్వహించినందుకు 

నేర విచారణకు ఆధార్ డేటా వాడకూడదు: యూఐడీఏఐ

నేరాల విచారణలో ఆధార్ బయోమెట్రిక్ డేటాను వినియోగించడానికి చట్టబద్ధంగా అనుమతి లేదని విశిష్ట గుర్తింపు కార్డుల ప్రాధికార సంస్థ యూఐడీఏఐ జూన్ 22న స్పష్టం చేసింది. ఇప్పటివరకు దర్యాప్తు సంస్థలకు ఆధార్ డేటా ఇవ్వలేదని పేర్కొంది. నేరాల విచారణలో పరిమిత స్థాయిలో ఆధార్ డేటాను ఉపయోగించుకోవడానికి పోలీసులకు అనుమతులు ఉండాలంటూ నేషనల్ క్రైమ్ రికార్డ్స్ బ్యూరో (ఎన్‌సీఆర్‌బీ) డెరైక్టర్ ఈశ్ కుమార్ వ్యాఖ్యానించారు. ఈ నేపథ్యంలో యూఐడీఏఐ ఈ మేరకు స్పందించింది.

Short Description:

News : నేరాల విచారణలో ఆధార్ డేటాను వినిగించకూడదు
Date : జూన్ 22 : యూఐడీఏఐ : చట్టబద్ధంగా అనుమతి లేనందుకు

జాతీయ ఓబీసీ ఫెడరేషన్ ఆవిర్భావం 

దేశవ్యాప్తంగా వివిధ రాష్ట్రాల్లో పనిచేస్తున్న బీసీ సంఘాలను ఒకే గొడుగు కిందకు తెస్తూ జాతీయ బీసీ ఫెడరేషన్ ఆవిర్భవించింది. ఈ మేరకు జూన్ 24న ఢిల్లీలో జరిగిన జాతీయ ఓబీసీ జాయింట్ యాక్షన్ కమిటీలో జాతీయ చైర్మన్‌గా బీసీ కమిషన్ మాజీ చైర్మన్ జస్టిస్ ఈశ్వరయ్యను ఏకగ్రీవంగా ఎన్నుకున్నారు. ఈ సందర్భంగా ప్రైవేటు రంగంలో రిజర్వేషన్లు కల్పించడం, క్రీమీలేయర్‌ను తొలగించడం, బీసీ ఉద్యోగులకు ప్రమోషన్లలో రిజర్వేషన్లు, కేంద్ర బడ్జెట్‌లో బీసీలకు రూ.50 వేల కోట్లు కేటాయింపు, ఓబీసీలకు కేంద్రంలో ప్రత్యేక మంత్రిత్వ శాఖ ఏర్పాటు, చట్టసభల్లో జనాభా దామాషా ప్రకారం రిజర్వేషన్లు కల్పించడం వంటి పలు తీర్మానాలు చేశారు.

Short Description:

News : జాతీయ ఓబీసీ ఫెడరేషన్ ఆవిర్భావం
Date : జూన్ 24 : చైర్మన్‌గా జస్టిస్ ఈశ్వరయ్య

హింసతో పరిష్కారం దొరకదు: ప్రధాని మోదీ

క్రూరత్వం, హింస ద్వారా ఏ సమస్యకూ పరిష్కారం లభించదని.. జలియన్ వాలాబాగ్ దురంతమే దీనికి ఉదాహరణ అని ప్రధాని నరేంద్ర మోదీ పేర్కొన్నారు. శాంతి, అహింస, త్యాగం, బలిదానాల ద్వారానే ఎప్పటికైనా విజయం సాధించవచ్చారు. ఈ మేరకు మాసాంతపు రేడియా కార్యక్రమం మన్‌కీ బాత్‌లో మోదీ దేశ ప్రజలనుద్దేశించి మాట్లాడారు.
‘2019లో జలియన్ వాలాబాగ్ ఘటనకు వందేళ్లు పూర్తవుతాయి. 1919, ఏప్రిల్ 13 నాటి ఆ చీకటి రోజును ఎవరు మరిచిపోగలరు. వందేళ్ల నాటి ఈ ఘటన మనకు ఎన్నో నేర్పింది’ అని ప్రధాని వ్యాఖ్యానించారు. 2019లో గురు నానక్ 550వ జయంతి (ప్రకాశ్ పర్వ్) జరుపుకోబోతున్నామని ‘భారతీయులంతా ఈ ఉత్సవాల్లో భాగస్వాములు కావాలని కోరారు.

భారత్‌లో అత్యంత ఖరీదైన నగరం ముంబయి 

విదేశాల నుంచి భారత్‌కు వచ్చే వారికి దేశంలో అత్యధిక జీవన వ్యయం అయ్యే నగరంగా ముంబై నిలిచింది. అలాగే ప్రపంచ స్థాయిలో చూస్తే 55వ స్థానంలో ఉంది. ఈ మేరకు ప్రపంచస్థాయి నగరాల్లో జీవన వ్యయంపై కాస్ట్ ఆఫ్ లివింగ్-2018 పేరుతో మెర్సర్ సంస్థ నిర్వహించిన సర్వేలో జూన్ 26న ఈ విషయాలు వెల్లడయ్యాయి. ప్రపంచంలో అత్యంత ఖరీదైన నగరంగా హాంకాంగ్ అగ్రస్థానంలో నిలవగా మెల్‌బోర్న్ 58, ఫ్రాంక్‌ఫర్ట్ 68, బ్యూనస్ ఐరిస్ 76, స్టాక్‌హోమ్ 89, అట్లాంటా 95, ఢిల్లీ 103, చెన్నై 144, బెంగళూరు 170, కోల్‌కతా 182వ స్థానాల్లో ఉన్నాయి. ప్రపంచవ్యాప్తంగా 209 నగరాల్లో ఆహార పదార్థాలు, ఆల్కహాల్, గృహోపకరణ, నిత్యావసర వస్తువులు వంటి వాటి ధరల ఆధారంగా ఈ సర్వే నిర్వహించారు.

Short Description:

News : అత్యధిక జీవన వ్యయం అయ్యే నగరంగా ముంబై
Date : జూన్ 26 : మెర్సర్ సంస్థ : దేశంలో

పాస్‌పోర్టు దరఖాస్తుకు కొత్త విధానం 

నివసిస్తున్న ప్రదేశంలోనే కాకుండా దేశంలో ఎక్కడి నుంచైనా పాస్‌పోర్టు కోసం దరఖాస్తు చేసుకోవడానికి కొత్త విధానాన్ని కేంద్ర ప్రభుత్వం ప్రవేశపెట్టింది. ఈ మేరకు ఆరో పాస్‌పోర్టు సేవా దివస్ సందర్భంగా విదేశాంగ మంత్రి సుష్మా స్వరాజ్ జూన్ 26న ఈ విధానాన్ని ప్రారంభించారు. అలాగే పాస్‌పోర్టు దరఖాస్తు, ఫీజు చెల్లింపు, అపాయింట్‌మెంట్ షెడ్యూల్ వంటి సౌకర్యాలతో కూడిన ‘ఎంపాస్‌పోర్ట్ సేవా యాప్’ అనే మొబైల్ యాప్‌ను సుష్మా ఆవిష్కరించారు. ప్రస్తుతం దేశంలో 307 పాస్‌పోర్టు సేవా కేంద్రాలు (పీఎస్‌కే)లు పనిచేస్తున్నాయని, ప్రతి లోక్‌సభ నియోజకవర్గంలో కనీసం ఒక పీఎస్‌కే లేదా (పోస్టాపీస్ పాస్‌పోర్టు సేవా కేంద్రం (పీఓపీఎస్‌కే)ను ఏర్పాటుచేస్తామని సుష్మా చెప్పారు.

Short Description:

News : పాస్‌పోర్టు దరఖాస్తుకు కొత్త విధానం
Date : జూన్ 26  : కేంద్ర ప్రభుత్వం : దేశంలో ఎక్కడి నుంచైనా పాస్‌పోర్టు కోసం దరఖాస్తు చేసుకోవడానికి

మహిళలకు అత్యంత ప్రమాదకరమైన దేశం భారత్ 

ప్రపంచంలో మహిళలకు అత్యంత ప్రమాదకరమైన దేశం భారత్ అని మహిళల రక్షణపై థామ్సన్ రాయ్‌టర్స్ ఫౌండేషన్ నిర్వహించిన సర్వే జూన్ 26న వెల్లడించింది. ఈ జాబితాలో అఫ్గానిస్తాన్, సిరియా, సోమాలియా, సౌదీ అరేబియా, పాకిస్తాన్, డెమొక్రాటిక్ రిపబ్లిక్ ఆఫ్ కాంగో, యెమెన్ , నైజీరియా, అమెరికా దేశాలు వరుసగా తర్వాతి స్థానాల్లో ఉన్నాయి. 
అత్యాచారాలు, లైంగిక హింస, వేధింపులు, మహిళల అక్రమ రవాణా, లైంగిక బానిసలుగా మార్చడం, బలవంతపు వివాహాలు, బాల్య వివాహాలు, ఇళ్లల్లో వెట్టిచాకిరీ, భ్రూణ హత్యలు, అమానవీయమైన సంప్రదాయాల కారణంగా భారత్ మహిళలకు చాలా ప్రమాదకరంగా మారిందని సర్వే తెలిపింది. సర్వేలో భాగంగా మహిళా సమస్యలపై అధ్యయనం చేస్తున్న వివిధ దేశాలకు చెందిన 548 మంది అభిప్రాయాలను నిపుణులు తెలుసుకున్నారు. ఈ జాబితాలో భారత్ 2011లో నాలుగోస్థానంలో ఉంది. ఈ సర్వేను జాతీయ మహిళా కమిషన్ (ఎన్‌సీడబ్ల్యూ) ఖండించింది. సర్వేలో భారత్ కంటే మెరుగైన ర్యాంకు పొందిన దేశాల్లో మహిళలకు కనీసం బహిరంగంగా మాట్లాడే స్వేచ్ఛ కూడా లేదనీ, అలాంటప్పుడు భారతే అత్యంత ప్రమాదకరమని ఎలా చెప్తుందని ప్రశ్నించింది. 
ఇప్పటికే లైంగిక హింస, అక్రమ రవాణా, సంప్రదాయంగా వస్తున్న అనాచారాలలో మొదటి స్థానం, లింగవివక్ష , గృహ హింస, ఇతర శారీరక, మానసిక హింసల్లో మూడో స్థానం, మహిళల ఆరోగ్య పరిస్థితుల్లో నాలుగో స్థానంలో భారత్ ఉంది.

Short Description:

News : మహిళలకు అత్యంత ప్రమాదకరమైన దేశంగా భారత్ 
Date : జూన్ 26 : థామ్సన్ రాయ్‌టర్స్ ఫౌండేషన్  : ప్రపంచవ్యాప్తంగా

ద్వైపాక్షికం 

29 అమెరికా ఉత్పత్తులపై సుంకం పెంపు 

అమెరికా నుంచి దిగుమతి అయ్యే పప్పులు, స్టీల్, ఐరన్ లాంటి29 ఉత్పత్తులపై 50 శాతం దిగుమతి సుంకంను పెంచుతూ కేంద్ర ప్రభుత్వం జూన్ 21న నిర్ణయం తీసుకుంది. ఈ మేరకు పెంచిన సుంకాలు ఆగస్ట్ 4 నుంచి అమల్లోకి వస్తాయని పేర్కొంది. అమెరికా దిగుమతి చేసుకొనే స్టీల్, అల్యూమినియం ఉత్పత్తులపై మార్చి 9న ఆ దేశం టారిఫ్‌లను పెంచడంతో 41 మిలియన్ డాలర్ల విలువ మేర (రూ.1,600 కోట్లు) భారత ఎగుమతులపై ప్రభావం పడనుంది. ఈ నేపథ్యంలో భారత్ అమెరికా ఉత్పత్తులపై సుంకంను పెంచింది. కస్టమ్స్ డ్యూటీని పెంచాలనుకుంటున్న 30 ఉత్పత్తుల జాబితాను గత వారమే ప్రపంచ వాణిజ్య సంస్థ (డబ్ల్యూటీవో)కు భారత్ సమర్పించింది. 

Short Description:

News : 29 అమెరికా ఉత్పత్తులపై సుంకం పెంపు 
Date : జూన్ 21 : భారత్ : అమెరికా దిగుమతి చేసుకొనే స్టీల్, అల్యూమినియం ఉత్పత్తులపై ఆ దేశం టారిఫ్‌లు పెంచినందుకు

సీషెల్స్‌కు భారత్ 10 కోట్ల డాలర్ల రుణం

సీషెల్స్‌లో మిలటరీ మౌలిక వసతుల అభివృద్ధి కోసం భారత్ 10 కోట్ల డాలర్ల (దాదాపు రూ.680 కోట్లు) రుణం ఇచ్చేందుకు అంగీకరించింది. దీంతో సీషెల్స్‌లోని అసంప్షన్ ద్వీపంలో నౌకాదళ కేంద్రంను ఏర్పాటు చేయనుంది. ఈ మేరకు భారత పర్యటనలో ఉన్న సీషెల్స్ అధ్యక్షుడు డేనీ ఫార్, ప్రధాని మోదీ మధ్య జూన్ 25న ఒక ఒప్పందం కుదిరింది. దీంతో పాటు సీషెల్స్‌లో మౌలిక వసతుల అభివృద్ధి, సైబర్ సెక్యూరిటీ, తీరప్రాంత భద్రత, వైట్ షిప్పింగ్ (మిలటరీయేతర వాణిజ్య నౌకల రవాణాపై సమాచార మార్పిడి), సీషెల్స్ దౌత్యాధికారులకు శిక్షణ (ఇరుదేశాల విదేశాంగ శాఖల మధ్య), గోవా సిటీ కార్పొరేషన్- సిటీ ఆఫ్ విక్టోరియా (సీషెల్స్) మధ్య పరస్పర సహకారంపై ఒప్పందాలు కుదిరాయి.
హిందూ మహాసముద్రంలో 115 ద్వీపాల సమూహమైన సీషెల్స్‌లో తన ప్రాభవాన్ని పెంచుకోవడం భారత్‌కు వ్యూహాత్మకంగా కీలకం. ఈ ఒప్పందంతో అది సాకారం కానుంది. ఇప్పటికే ఈ సముద్రంలోని వివిధ దేశాల్లో తన మిలటరీ అస్తిత్వాన్ని పెంచుకునేందుకు చైనా ప్రయత్నిస్తోంది. 2015లోనే అసంప్షన్ ఐలాండ్‌ను అభివృద్ధి చేసేందుకు భారత్ ఆ దేశంతో ఒప్పందం కుదుర్చుకుంది.

Short Description:

News : సీషెల్స్‌కు భారత్ 10 కోట్ల డాలర్ల రుణం
Date : త్వరలో : భారత్ Reason : మిలటరీ మౌలిక వసతుల అభివృద్ధి కోసం

ఆర్థికం 

టెక్ పయనీర్స్‌లో రెండు భారత స్టార్టప్‌లు 

వరల్డ్ ఎకనామిక్ ఫోరమ్(డబ్ల్యూఈఎఫ్) రూపొందించిన ‘టెక్నాలజీ పయనీర్స్-2018’ జాబితాలో అహ్మదాబాద్‌కు చెందిన మై క్రాప్ టెక్నాలజీస్, న్యూఢిల్లీకి చెందిన సోషల్‌కాప్స్ స్టార్టప్‌లకు స్థానం దక్కింది. ఈ మేరకు 61 సంస్థలతో గుర్తించిన ‘టెక్నాలజీ పయనీర్స్-2018’ను జూన్ 21 విడుదల చేసింది. ఇందులో 25 శాతానికి పైగా మహిళల నేతృత్వంలోని స్టార్టప్‌లు అని టెక్నాలజీ పయనీర్స్ హెడ్ ఫుల్వియా మోన్‌ట్రెస్సర్ పేర్కొన్నారు. పయనీర్స్ జాబితాలో చోటు సాధించిన స్టార్టప్ నిర్వాహకులతో 2018 సెప్టెంబర్‌లో చైనాలోని తియాన్‌జిన్‌లో సదస్సుని నిర్వహించన్నట్లు తెలిపారు. నవకల్పనలకు ప్రాధాన్యత ఇచ్చే ఆరంభ స్థాయి కంపెనీలతో డబ్ల్యూఈఎఫ్ ప్రతి ఏడాది ఈ జాబితాను రూపొందిస్తుంది. 

Short Description:

News : ‘టెక్నాలజీ పయనీర్స్-2018’ జాబితా
Date : జూన్ 21 : మై క్రాప్ టెక్నాలజీస్, సోషల్‌కాప్స్ అనే స్టార్టప్‌లకు : ప్రపంచ వ్యాప్తంగా 
Reason : నవకల్పనలకు ప్రాధాన్యత ఇచ్చే ఆరంభ స్థాయి కంపెనీలతో డబ్ల్యూఈఎఫ్ ఈ జాబితా రూపొందిస్తుంది. 

ఢిల్లీలో మినరల్స్ అండ్ మెటల్స్ ఫోరమ్ సమావేశం 

ఇండియా మినరల్స్ అండ్ మెటల్స్ ఫోరమ్ సమావేశాన్ని జూన్ 21న న్యూఢిల్లీలో నిర్వహించారు. ఈ సమావేశంలో భారత ఉక్కు రంగంపై ఐబీసీ ప్రభావం, సంబంధిత అంశాలపై ఎర్నస్ట్ అండ్ యంగ్(ఈవై) రూపొందించిన నివేదిక వివరాలను ఈవై పార్ట్‌నర్, ఉక్కు రంగానికి చెందిన అంజనీ అగర్వాల్ వెల్లడించారు. ఇన్‌సాల్వెన్సీ అండ్ బ్యాంక్ప్ట్రసీ కోడ్(ఐబీసీ) భారత ఉక్కు రంగంలో ఏకీకరణను వేగవంతం చేస్తోందని, విదేశీ కంపెనీలు భారత ఉక్కు రంగంలోకి ప్రవేశించడానికి మార్గం సుగమం అవుతోందని ఈ నివేదిక పేర్కొంది.

Short Description:

News : ఇండియా మినరల్స్ అండ్ మెటల్స్ ఫోరమ్ సమావేశం 

Date : జూన్ 21 : న్యూఢి ల్లీ

గ్లోబల్ బ్రాండ్స్ లో హెచ్‌డీఎఫ్‌సీ బ్యాంక్ 

గ్లోబల్ బ్రాండ్‌‌స-2018 జాబితాలో ‘హెచ్‌డీఎఫ్‌సీ’ బ్యాంక్ 60వ స్థానం దక్కించుకుంది. దీంతో ఈ జాబితాలో చోటు దక్కించుకున్న ఏకైక దేశీ బ్రాండ్‌గా గుర్తింపు పొందింది. అత్యంత విలువైన టాప్-100 బ్రాండ్స్‌తో ‘బ్రాండ్‌జెడ్’ రూపొందించిన ఈ జాబితా జూన్ 22న విడుదలైంది. జాబితాలో గూగుల్ మొదటి స్థానంలో నిలవగా యాపిల్, అమెజాన్, మైక్రోసాఫ్ట్, టెన్‌సెంట్, ఫేస్‌బుక్, వీసా, మెక్‌డొనాల్డ్స్, అలీబాబా, ఏటీ అండ్ టీ సంస్థలు వరుసగా తర్వాతి స్థానాల్లో ఉన్నాయి. 

Short Description:

News : గ్లోబల్ బ్రాండ్‌‌స-2018 జాబితా 

Date : జూన్ 22  : హెచ్‌డీఎఫ్‌సీ బ్యాంక్

52 బిలియన్ డాలర్లకు ఈ-కామర్స్ వ్యాపారం

భారత్‌లో ఈ-కామర్స్ వ్యాపార ఆదాయం 2022 నాటికి 52 బిలియన్ డాలర్ల (రూ.3.53 లక్షల కోట్లు)కు చేరుతుందని మార్కెటింగ్ కంపెనీ ‘అడ్మిటాడ్’ నివేదిక వెల్లడించింది. 2017 నాటికి ఇది 25 బిలియన్ డాలర్లు(రూ.1.7లక్షల కోట్లు)గా ఉందని పేర్కొంది. ప్రస్తుతం 37 శాతం జనాభా ఇంటర్నెట్ వినియోగిస్తుండగా, వీరిలో 14 శాతం ఆన్‌లైన్ కొనుగోళ్లు చేస్తున్నారని తెలిపింది. ఇంటర్నెట్ యూజర్లు 2022 నాటికి 45 శాతం పెరగడంతో పాటు ఆన్‌లైన్ కొనుగోలుదారులు 90 శాతం పెరుగుతారని నివేదిక తెలిపింది.

Short Description:

News : 52 బిలియన్ డాలర్లకు ఈ-కామర్స్ వ్యాపారం
Date : జూన్ 24 : మార్కెటింగ్ కంపెనీ ‘అడ్మిటాడ్’  : దేశవ్యాప్తంగా
Reason : ఇంటర్నెట్ వినియోగదారులు, ఆన్‌లైన్ కొనుగోళ్లు పెరగడం వల్ల 

రత్నగిరిలో ‘అబుదాబి ఆయిల్’ కు 50 శాతం వాటా

మహారాష్ట్రలోని రత్నగిరిలో 44 బిలియన్ డాలర్లతో (రూ.3 లక్షల కోట్లు) ఏర్పాటు చేయనున్న రిఫైనరీలో అబుదాబీ ఆయిల్‌కు 50 శాతం వాటా దక్కనుంది. ఈ మేరకు సౌదీ అరామ్‌కోతో అబుదాబి నేషనల్ ఆయిల్ కంపెనీ (ఏడీఎన్‌వోసీ) ఒక ఒప్పందం కుదుర్చుకుంది. దీంతో ఈ ప్రాజెక్టులో సౌదీ అరామ్‌కో, ఏడీఎన్‌వోసీ 50 శాతం, ఐవోసీ, బీపీసీఎల్, హెచ్‌పీసీఎల్ లు మిగిలిన 50 శాతం వాటా కలిగి ఉంటాయి.
ప్రాజెక్టులో భాగంగా 60 మిలియన్ టన్నుల వార్షిక సామర్థ్యంతో కూడిన రిఫైనరీ, 18 మిలియన్ టన్నుల పెట్రోకెమికల్ కాంప్లెక్స్‌ను 2025 నాటికి పూర్తి చేస్తారు. భారత ఇంధన మార్కెట్, రిటైల్ వ్యాపారంలోకి ప్రవేశించేందుకు ఇది ఒక అవకాశంగా ఏడీఎన్‌వోసీ భావిస్తోంది.

Short Description:

News : రత్నగిరి ప్రాజెక్టులో 50 శాతం వాటా
Date : జూన్ 25 : సౌదీ ఆరామ్‌కో, అబుదాబి ఆయిల్ : రత్నగిరి, మహారాష్ట్ర

ఆదాయ వృద్ధిలో తెలంగాణ నంబర్ వన్ 

ఆదాయాభివృద్ధి రేటులో తెలంగాణ దేశంలోనే అగ్రస్థానంలో నిలిచింది. 2014 నుంచి 2018 మే వరకు స్వీయ ఆదాయం (స్టేట్ ఓన్ ట్యాక్స్ రెవెన్యూ)లో 17.2 శాతం సగటు వృద్ధి రేటుతో ముందంజలో ఉంది. ఈ మేరకు కంప్ట్రోలర్ అండ్ ఆడిటర్ జనరల్ (కాగ్) వెబ్‌సైట్‌లో జూన్ 25న ఈ గణాంకాలను వెల్లడించింది. వృద్ధి రేటు 2015-16లో 13.7 శాతం, 2016-17లో 21.1 శాతం, 2017-18లో 16.8 శాతంగా ఉంది.
జాబితాలో 14.2 శాతంతో హరియాణా, 13.9 శాతంతో మహారాష్ట్ర, 12.4 శాతంతో ఒడిశా, 10.3 శాతంతో పశ్చిమ బెంగాల్ తర్వాతి స్థానాల్లో ఉన్నాయి. మిగతా రాష్ట్రాలన్నీ 10 శాతంలోపు వృద్ధిరేటు సాధించాయి.

Short Description:

News : ఆదాయాభివృద్ధి రేటులో నంబర్ 1 తెలంగాణ రాష్ట్రం
Date : జూన్ 2 : కంప్ట్రోలర్ అండ్ ఆడిటర్ జనరల్ - కాగ్ : దేశవ్యాప్తంగా : సగటున 17.2 శాతం వృద్ధి రేటుతో

ఏఐఐబీ వార్షిక సదస్సును ప్రారంభించిన మోదీ 

ఏషియన్ ఇన్‌ఫ్రాస్ట్రక్చర్ ఇన్వెస్ట్‌మెంట్ బ్యాంక్ (ఏఐఐబీ) మూడో వార్షిక సదస్సును ప్రధాని నరేంద్ర మోదీ జూన్ 26న ముంబైలో ప్రారంభించారు. ఈ సందర్భంగా భారత ఆర్థిక మూలాలు పటిష్టంగా ఉన్నాయని, 7.4 శాతం జీడీపీ వృద్ధితో ప్రపంచ ఆర్థిక వృద్ధికి భారత్ చోదకంగా నిలుస్తోందని మోదీ తెలిపారు. ప్రస్తుతం దాదాపు 2.6 లక్షల కోట్ల డాలర్ల స్థూల దేశీయోత్పత్తితో భారత్ ప్రపంచంలోనే ఏడో స్థానంలో ఉండగా, కొనుగోలు శక్తిపరంగా చూస్తే మూడో పెద్ద దేశంగా ఉందని అన్నారు. స్వల్ప వ్యవధిలోనే 4 బిలియన్ డాలర్ల రుణపరిమాణం ఉండే 25 ప్రాజెక్టులను 12పైగా దేశాల్లో ఏఐఐబీ ఆమోదించిందని తెలిపారు. ప్రస్తుతం ఏఐఐబి ప్రెసిడెంట్‌గా జిన్ లికున్ ఉన్నారు.

Short Description:

News : ఏఐఐబీ వార్షిక సదస్సు ప్రారంభం
Date : జూన్ 26 : ప్రధాని నరేంద్ర మోదీ : ముంబై

భారత్‌లోకి అత్యధిక ‘ఐపీఓ’లు 

2018 మొదటి ఆరు నెలల్లో భారత్ లోకి సంఖ్యాపరంగా ప్రపంచంలో అత్యధిక ఐపీఓ(ఇనీషియల్ పబ్లిక్ ఆఫర్)లు వచ్చాయని ఈవై ఇండియా ఐపీఓ రెడీనెస్ సర్వే నివేదిక జూన్ 26న తెలిపింది. మొత్తం 90 ఐపీఓలు రాగా ఇవి 390 కోట్ల డాలర్లు సమీకరించాయని సర్వే వెల్లడించింది. ఇన్వెస్టర్ల విశ్వాసం నిలకడగా ఉండటం, ఈక్విటీ మార్కెట్లో దేశీయ పెట్టుబడులు పెరగడం, ఒడిదుడుకులు తక్కువగా ఉండటం, స్థూల ఆర్థికాంశాలు నిలకడగా ఉండటం వంటి అంశాలు ఇందుకు కారణం అని పేర్కొంది.
ప్రపంచవ్యాప్తంగా సంఖ్యాపరంగా భారత ఐపీఓల వాటా 16 శాతంగా, సమీకరించిన నిధుల పరంగా చూస్తే భారత వాటా 5 శాతంగా ఉంది. 2017లో ఆరు నెలల కాలంలో వచ్చిన ఐపీఓలతో పోల్చితే ఈ ఏడాది 27 శాతం అధిక ం కాగా నిధుల పరంగా చూస్తే 28 శాతం వృద్ధి నమోదైంది. ఐపీఓ ప్రైస్‌బ్యాండ్ అధికంగా ఉండటం, నిర్వహణ తీరు సరిగ్గా లేకపోవడం వంటివి ఐపీఓలకు సంబంధించి అతి పెద్ద సమస్యలని సర్వేలో తేలింది.

Short Description:

News: అత్యధిక ఐపీఓ(ఇనీషియల్ పబ్లిక్ ఆఫర్)లు వచ్చిన దేశం
Date : 2018 మొదటి ఆరు నెలల్లో : ఈవై ఇండియా ఐపీఓ రెడీనెస్ సర్వే : ప్రపంచవ్యాప్తంగా

సైన్స్ అండ్ టెక్నాలజీ 

గాలి నుంచి తేమను వేరుచేసే యంత్రం ఆవిష్కరణ 

గాలిలోని తేమను నీటిగా మార్చడంతో పాటు నీటిలో లవణాలు చేర్చే యంత్రంను ఇండియన్ ఇన్‌స్టిట్యూట్ ఆఫ్ కెమికల్ టెక్నాలజీ (ఐఐసీటీ) శాస్త్రవేత్తలు ఆవిష్కరించారు. ఈ యంత్రాన్ని మేఘ్‌దూత్ పేరుతో జూన్ 22న విడుదల చేశారు. ఇది రోజుకు దాదాపు 9 యూనిట్ల విద్యుత్ ద్వారా వెయ్యి లీటర్ల స్వచ్ఛమైన తాగునీటిని అందిస్తుంది. గాలిలో 45 శాతం తేమ ఉన్నా నీటిని వేరు చేయడంతో పాటు తేమశాతం ఎక్కువగా ఉండే సముద్ర తీర ప్రాంతాల్లో రోజుకు 1,400 లీటర్ల వరకు నీటిని ఉత్పత్తి చేస్తుంది.
ప్రస్తుతం ఇటువంటి యంత్రాలు విదేశాల్లో ఉండగా వాటితో పోల్చితే మేఘదూత్ సౌరశక్తితో పనిచేయడంతోపాటు చౌక అని ఈ ప్రాజెక్టుకు నేతృత్వం వహించిన శాస్త్రవేత్త ఎస్.శ్రీధర్ తెలిపారు. ఇప్పటికే ఈ యంత్రాలను తయారు చేయడానికి మైత్రీ ఆక్వాటెక్ అనే సంస్థతో ఐఐసీటీ ఒప్పందం కుదుర్చుకుంది. ప్రజలందరికీ స్వచ్ఛమైన, కాలుష్యరహిత తాగునీరు అందించేందుకు హైదరాబాద్ కేంద్రంగా ఐఐసీటీ పనిచేస్తుంది. 

Short Description:

News : మేఘ్‌దూత్ యంత్రం ఆవిష్కరణ
Date : జూన్ 22 : ఇండియన్ ఇన్‌స్టిట్యూట్ ఆఫ్ కెమికల్ టెక్నాలజీ శాస్త్రవేత్తలు : హైదరాబాద్  : స్వచ్ఛమైన తాగునీటిని అందించేందుకు 

భారత తొలి రోబోటిక్ టెలిస్కోప్ ప్రారంభం 

లద్దాఖ్‌లో ఏర్పాటు చేసిన భారత తొలి రోబోటిక్ టెలిస్కోప్ తన సేవలను ప్రారంభించింది. సమీపంలోని దేదీప్యమాన ఖగోళ వస్తువులతో కూడిన మెస్సియర్ క్యాటలాగ్ నుంచి కొన్ని లక్ష్యాలను ఎంపిక చేసి, వాటిపైకి ఈ టెలిస్కోప్ దృష్టిని మళ్లించారు. ఈ ప్రాజెక్టులో అమెరికా, బ్రిటన్, జపాన్, జర్మనీ, తైవాన్, ఇజ్రాయెల్ శాస్త్రవేత్తలు కూడా భాగస్వామ్యం వహించారు. రూ.3.5 కోట్లతో ఏర్పాటైన ఈ టెలిస్కోపును బెంగళూరులోని ఇండియన్ ఇన్‌స్టిట్యూట్ ఆఫ్ ఆస్ట్రోఫిజిక్స్, ఐఐటీ-ముంబైలు సంయుక్తంగా నిర్మించాయి. 

క్రీడలు 

హామిల్టన్‌కు ఫ్రెంచ్ గ్రాండ్ ప్రి టైటిల్ 

మెర్సిడెస్ జట్టు డ్రైవర్ లూయిస్ హామిల్టన్ ఫ్రెంచ్ గ్రాండ్ ప్రి టైటిల్‌ను గెలుచుకున్నాడు. జూన్ 24న జరిగిన రేసులో నిర్ణీత 53 ల్యాప్‌లను గంటా 30 నిమిషాల 11.385 సెకన్లలో ముగించి విజేతగా నిలిచాడు. అతని కెరీర్‌లో ఇది 65వ టైటిల్. వెర్‌స్టాపెన్ (రెడ్‌బుల్) రెండో స్థానం, రైకోనెన్ (ఫెరారీ) మూడో స్థానంలో నిలిచారు. సీజన్‌లోని తదుపరి రేసు ఆస్ట్రియా గ్రాండ్‌ప్రి జూలై 1న జరుగుతుంది. 

Short Description:

News : ఫ్రెంచ్ గ్రాండ్ ప్రి టైటిల్ విజేత
Date : జూన్ 24  : లూయిస్ హామిల్టన్

బోర్నా కోరిచ్ కు గ్యారీ వెబెర్ ఓపెన్ టోర్నీ 

క్రొయేషియాకు చెందిన 21 ఏళ్ల బోర్నా కోరిచ్ గ్యారీ వెబెర్ ఓపెన్ టైటిల్‌ను గెలుచుకున్నాడు. జూన్ 24న జరిగిన ఫైనల్లో కోరిచ్ 7-6 (8/6), 3-6, 6-2తో ఫెడరర్‌ను ఓడించి విజేతగా నిలిచాడు. కోరిచ్‌కు 4,27,590 యూరోలు (రూ. 3 కోట్ల 38 లక్షలు); ఫెడరర్‌కు 2,09,630 యూరోలు (రూ. కోటీ 65 లక్షలు) ప్రైజ్‌మనీగా లభించాయి. ఫెడరర్ ఈ టోర్నీని గెలిచి ఉంటే అతనికి ఇది 99వ సింగిల్స్ టైటిల్ కాగా పదో గ్యారీ వెబెర్ ఓపెన్ టోర్నీగా నిలిచేది.

Short Description:

News : గ్యారీ వెబెర్ ఓపెన్ టోర్నీ విజేత
Date : జూన్ 24  : బోర్నా కోరిచ్

ఉలాన్‌బాటర్ బాక్సింగ్ టోర్నీలో మన్‌దీప్‌కు స్వర్ణం 

మంగోలియాలో ముగిసిన ఉలాన్‌బాటర్ కప్ బాక్సింగ్ టోర్నీలో మన్‌దీప్ జాంగ్రా స్వర్ణం సొంతం చేసుకున్నాడు. జూన్ 24న జరిగిన 69 కేజీల విభాగంలో ఉట్గాన్‌బాటర్ బ్యాంబా (మంగోలియా)ను ఓడించాడు. అలాగే పురుషుల విభాగంలో హిమాన్షు శర్మ (49 కేజీలు), ఇతాష్ ఖాన్ (56 కేజీలు), మహిళల విభాగంలో సోనియా (57 కేజీలు), లవ్లీనా (69 కేజీలు) రజతాలు గెలుచుకున్నారు. ఈ టోర్నీలో భారత బాక్సర్లు మొత్తం 9 పతకాలు (ఒక స్వర్ణం, 4 రజతాలు, 4 కాంస్యాలు) చేజిక్కించుకున్నారు. 

Short Description:

News : ఉలాన్‌బాటర్ బాక్సింగ్ టోర్నీలో స్వర్ణం 
Date : జూన్ 24  : మన్‌దీప్ జాంగ్రా : మంగోలియా

అత్యంత చిన్న కంప్యూటర్ ఆవిష్కరణ 

ప్రపంచంలోనే అత్యంత చిన్న కంప్యూటర్‌ను అమెరికాలోని మిషిగాన్ యూనివర్సిటీ పరిశోధకులు తయారుచేశారు. 0.3 మిల్లీమీటర్ల మందం ఉన్న ఈ కంప్యూటర్ బియ్యపు గింజ కంటే చాలా చిన్నది. ఇందులో ర్యామ్, కాంతి విద్యుత్ ఘటాలతో పాటు ప్రాసెసర్లు, వైర్‌లెస్ ట్రాన్స్ మిటర్లు, రిసీవర్లను అమర్చారు. ‘మిషిగాన్ మైక్రో మోట్’గా పిలుస్తున్న ఈ చిన్న కంప్యూటర్‌ను ఒకసారి స్విచాఫ్ చేస్తే అంతకు ముందు చేసిన ప్రొగ్రామింగ్, డేటా అంతా అదృశ్యమవుతుంది. దీనిని కేన్సర్ కణతుల పరిశీలన, చికిత్సలో ఉపయోగించొచ్చని పరిశోధకులు వెల్లడించారు. 

Short Description:

News : అత్యంత చిన్న కంప్యూటర్ ఆవిష్కరణ
Date : జూన్ 23 : మిషిగాన్ యూనివర్సిటీ పరిశోధకులు : ప్రపంచంలోనే

పిన్న వయస్సులో జీఎం హోదా పొందిన ప్రజ్ఞానంద 

ప్రపంచ చెస్ చరిత్రలో పిన్న వయస్సులో గ్రాండ్‌మాస్టర్ (జీఎం) హోదా పొందిన రెండో ప్లేయర్, భారత్ తరఫున మొదటి వ్యక్తిగా చెన్నైకు చెందిన ప్రజ్ఞానంద గుర్తింపు పొందాడు. 12 ఏళ్ల 10 నెలల 14 రోజుల వయస్సులో ప్రజ్ఞానంద ఈ హోదా పొంది... భారత్ తరఫున జీఎం అయిన పిన్న వయస్కుడిగా ఇప్పటిదాకా పరిమార్జన్ నేగి (ఢిల్లీ-13 ఏళ్ల 4 నెలల 22 రోజులు) పేరిట ఉన్న రికార్డును అధిగమించాడు. ప్రపంచంలో పిన్న వయస్సులో జీఎం అయిన రికార్డు సెర్గీ కర్జాకిన్ (రష్యా-12 ఏళ్ల 7 నెలలు) పేరిట ఉంది.
ఇటలీలో జరిగిన గ్రెడైన్ ఓపెన్‌లో జూన్ 23న జరిగిన గేమ్‌లో ప్రజ్ఞానంద 33 ఎత్తుల్లో ఇటలీ గ్రాండ్‌మాస్టర్ లూకా మోరోనిపై గెలుపొందాడు. దీంతో ప్రజ్ఞానందకు జీఎం హోదా లభించేందుకు అవసరమైన మూడో జీఎం నార్మ్ ఖాయమైంది. 

Short Description:

News : పిన్న వయస్సులో జీఎం హోదా పొందిన భారతీయుడు
Date : జూన్ 23 : ప్రజ్ఞానంద : భారత్‌లో 

కెమిస్ట్రీ బాక్సింగ్ టోర్నీలో హుసాముద్దీన్‌కు స్వర్ణం 

కెమిస్ట్రీ కప్ అంతర్జాతీయ బాక్సింగ్ టోర్నీలో తెలంగాణకు చెందిన బాక్సర్ హుసాముద్దీన్ (56 కేజీలు) స్వర్ణం సొంతం చేసుకున్నాడు. జూన్ 23న జర్మనీలోని హాలె నగరంలో జరిగిన ఫైనల్లో భారత్‌కే చెందిన మదన్ లాల్‌పై హుసాముద్దీన్ గెలుపొందాడు. 52 కేజీల విభాగంలో క్యూబా బాక్సర్ అలెజాండ్రో మెరెన్సియోపై నెగ్గి భారత్‌కే చెందిన మరో బాక్సర్ గౌరవ్ సోలంకి పసిడి పతకం గెలిచాడు.

Short Description:

News : కెమిస్ట్రీ బాక్సింగ్ టోర్నీలో స్వర్ణం
Date : జూన్ 23 : హుసాముద్దీన్ : జర్మనీ

ఆర్చరీ ప్రపంచకప్‌లో దీపికకు స్వర్ణం 

భారత మహిళా స్టార్ ఆర్చర్ దీపిక కుమారి అమెరికాలో జరుగుతున్న ప్రపంచకప్ ఆర్చరీ టోర్నీలో వ్యక్తిగత విభాగంలో స్వర్ణం సాధించింది. జూన్ 25న జరిగిన స్టేజ్-3 మహిళల వ్యక్తిగత రికర్వ్ ఈవెంట్ ఫైనల్లో దీపిక 7-4తో మిచెల్లి క్రాపెన్ (జర్మనీ)పై గెలిచింది. దీపిక ప్రపంచకప్ ఆర్చరీలో చివరి సారిగా 2012లో విజయం సాధించింది. తాజా విజయంతో టర్కీలో 2018 చివర్లో జరిగే సీజన్ ముగింపు టోర్నీకి అర్హత సాధించింది.

Short Description:

News : ఆర్చరీ ప్రపంచకప్‌లో భారత క్రీడాకారిణికి స్వర్ణం
Date : జూన్ 25 : దీపికా కుమారి  : అమెరికా

ప్రపంచకప్ షూటింగ్‌లో ఇలవేనిల్ కు స్వర్ణం 

జూనియర్ ప్రపంచకప్ షూటింగ్ టోర్నమెంట్‌లో భారత యువ షూటర్ ఇలవేనిల్ వలారివాన్ స్వర్ణ పతకం గెలుచుకుంది. జర్మనీలో జరిగిన మహిళల 10 మీటర్ల ఎయిర్ రైఫిల్ ఈవెంట్ ఫైనల్లో 251.7 పాయింట్లు స్కోరు చేసి చాంపియన్‌గా నిలిచింది. ఓవరాల్‌గా ఈ టోర్నీలో భారత్‌కిది మూడో స్వర్ణం.

Short Description:

News : జూనియర్ ప్రపంచకప్ షూటింగ్‌లో స్వర్ణం 
Date : జూన్ 25 : ఇలవేనిల్ : జర్మనీ

వార్తల్లో వ్యక్తులు 

‘మిస్ ఇండియా’గా అనుకృతి 

ఫెమినా ‘మిస్ ఇండియా-2018’ గా తమిళనాడుకు చెందిన 19 ఏళ్ల అనుకృతి వాస్ ఎంపికైంది. ఈ మేరకు జూన్ 19న ముంబైలో జరిగిన అందాల పోటీల్లో క్రికెటర్లు కేఎల్ రాహుల్, ఇర్ఫాన్ పఠాన్, నటులు బాబీ డియోల్, మలైకా అరోరా, కునాల్ కపూర్, 2017 విజేత మానుషి చిల్లార్‌లతో కూడిన న్యాయ నిర్ణేతల బృందం ఆమెను ఎంపిక చేసింది. చెన్నైలోని లయోలా కళాశాలలో బీఏ (ఫ్రెంచి) చదువుతున్న అనుకృతి అనువాదకురాలు కావాలనుకుంటుంది. అనుకృతి త ర్వాత వరుసగా మొదటి, రెండు స్థానాల్లో మీనాక్షి, ఆంధ్రప్రదేశ్‌కి చెందిన శ్రేయారావు నిలిచారు. ఈ ఏడాది అంతర్జాతీయ స్థాయిలో జరగబోయే అందాల పోటీ (మిస్ వరల్డ్)ల్లో భారత్‌కు అనుకృతి ప్రాతినిధ్యం వహించనుంది. 

Short Description:

News : మిస్ ఇండియా-2018 ఎంపిక
Date : జూన్ 19 : అనుకృతి వాస్ : ముంబై

‘అన్‌ఫినిష్డ్’ పేరుతో ప్రియాంక చోప్రా ఆత్మకథ 

మాజీ ప్రపంచ సుందరి, బాలీవుడ్ నటి ప్రియాంక చోప్రా ‘అన్‌ఫినిష్డ్’ పేరుతో తన ఆత్మకథ ను రాయనుంది. 2019లో మార్కెట్‌లోకి రాబోతున్న ఈ పుస్తకాన్ని పెంగ్విన్ ర్యాండమ్ హౌజ్ ఇండియా పబ్లికేషన్స్ ప్రచురిస్తోంది. ఇందులో తన జీవితంలో సేకరించిన వ్యాసాలు, కథలు, ఎదుర్కొన్న సమస్యలు, పరిశీలించిన సంఘటనల గురించి ప్రియాంక వివరించనుంది. ఇప్పటికే బాలీవుడ్‌లో రిషి కపూర్, ట్వింకిల్ ఖన్నా, నసీరుద్దీన్ షా తమ జీవిత విశేషాలతో ఆత్మకథలు రాసుకున్నారు.

‘ఇండియా ఐఎన్‌సీ టాప్-100’లో భారత సంతతి వ్యక్తి 

‘ఇండియా ఐఎన్‌సీ టాప్ 100’ జాబితాలో ఎన్‌ఆర్‌ఐ వ్యాపారవేత్త, యూనివర్సిటీ ఆఫ్ బర్మింగ్‌హామ్ చాన్స్ లర్ లార్డ్ కరణ్ బిలిమోరియాకు చోటు దక్కింది. ఈ మేరకు యూకే-ఇండియా వీక్ 2018లో భాగంగా ఇండియా ఐఎన్‌సీ. టాప్ 100’ పేరుతో భారత్-బ్రిటన్ బంధాలను ప్రభావితం చేసిన వారి జాబితా జూన్ 21న విడుదలైంది. హైదరాబాద్‌లో జన్మించిన కరణ్ ప్రస్తుతం అంతర్జాతీయ విద్యార్థి వ్యవహారాల మండలి అధ్యక్షుడిగా, యూకే-ఇండియా వాణిజ్య మండలి వ్యవస్థాపక చైర్మన్‌గా పనిచేస్తున్నారు. బ్రిటన్‌లోని ప్రఖ్యాత కోబ్రా బీర్ కంపెనీని కరణ్ స్థాపించారు. ఈ జాబితాలో కరణ్‌తోపాటు యూనివర్సిటీ ఆఫ్ బర్మింగ్‌హామ్ వర్సిటీ సహాయ వైస్ చాన్స్ లర్ ప్రొఫెసర్ రాబిన్ మాసన్ కూడా ఉన్నారు. 

Short Description:

News : ‘ఇండియా ఐఎన్‌సీ టాప్-100’ జాబితా
Date : జూన్ 21: కరణ్ బిలిమోరియా (భారత సంతతి వ్యక్తి) : యూకే-ఇండియా వీక్ 2018లో భాగంగా : భారత్-బ్రిటన్ బంధాలను ప్రభావితం చేస్తున్నందుకు 

టుస్సాడ్స్లో బాబా రామ్‌దేవ్ విగ్రహం 

ప్రముఖ యోగా గురు, పతంజలి ఆయుర్వేద్ లిమిటెడ్ కంపెనీ సహ వ్యవస్థాపకుడైన బాబా రామ్‌దేవ్ విగ్రహంను లండన్‌లోని మేడమ్ టుస్సాడ్స్ మ్యూజియంలో ఏర్పాటు చేయనున్నారు. ఈ విగ్రహాన్ని ‘వృక్షాసన’ యోగా భంగిమలో నిర్మిస్తారు.

Short Description:

News : మేడమ్ టుస్సాడ్స్‌లో బాబా రామ్‌దేవ్ విగ్రహం
Date : త్వరలో : ప్రముఖ యోగా గురు, పతంజలి ఆయుర్వేద్ లిమిటెడ్ కంపెనీ సహ వ్యవస్థాపకుడు : లండన్, ఇంగ్లండ్

తొలి ట్రైబల్ క్వీన్‌గా పల్లవి దరువా 

దేశంలో తొలి ట్రైబల్ క్వీన్‌గా ఒడిశాలోని కోరాపుట్ జిల్లాకు చెందిన పల్లవి దరువా నిలిచింది. ఈ మేరకు భువనేశ్వర్‌లో జూన్ 26న జరిగిన ఆది రాణి కళింగ ట్రైబల్ క్వీన్ పోటీలో పాల్గొన్న పల్లవి కీరిటాన్ని సొంతం చేసుకుంది. ఈ పోటీలో వివిధ రాష్ట్రాలకు చెందిన 22 మందిని పల్లవి ఓడించింది. గిరిజన వేషధారణ, ఆభరణాల ప్రదర్శన, అద్భుత ప్రతిభ, సంస్కృతిని ప్రదర్శించడంలో నైపుణ్యం, ఫొటోజెనిక్ ఫేస్, బెస్ట్ స్కిన్, బెస్ట్ పర్సనాలిటీ వంటి ఏడు విభిన్న విభాగాల్లో పల్లవి విజేతగా నిలిచింది. ఈ పోటీలో టిట్లాఘడ్‌కు చెందిన పంచమీ మజీ మొదటి రన్నరప్‌గా, మయూర్‌భంజ్‌కు చెందిన రష్మీరేఖా హన్స్ దా రెండో రన్నరప్‌గా నిలిచారు.
గిరిజన సంస్కృతి, సంప్రదాయాలు, కళలకు ప్రచారం కల్పించాలనే ఉద్దేశంతో కళింగ ఇన్‌స్టిట్యూట్ ఆఫ్ సోషల్ సెన్సైస్, ఒడిశా ఎస్సీ, ఎస్టీ డిపార్ట్‌మెంట్, టూరిజం శాఖ సంయుక్తంగా ఈ కార్యక్రమాన్ని నిర్వహించాయి. 

Short Description:

News : తొలి ట్రైబల్ క్వీన్ 
Date : జూన్ 26 : పల్లవి దరువా : భువనేశ్వర్, ఒడిశా

అవార్డులు 

తెలంగాణ పోలీస్‌కు ‘ది బెస్ట్ వెరిఫికేషన్’ అవార్డు 

పాస్‌పోర్టు వెరిఫికేషన్ ప్రక్రియను నాలుగు రోజుల్లో పూర్తిచేస్తున్నందుకు తెలంగాణ పోలీస్ శాఖకు ‘ది బెస్ట్ వెరిఫికేషన్ 2017-18’ అవార్డును కేంద్ర విదేశాంగ శాఖ జూన్ 22న ప్రకటించింది. దీంతో వరుసగా మూడోసారి పోలీస్ శాఖ ఈ అవార్డును అందుకోనుంది. ‘వెరీఫాస్ట్’అనే సాఫ్ట్‌వేర్ ద్వారా కేవలం నాలుగు రోజుల్లోనే పాస్‌పోర్టుకు సంబంధించి పోలీస్ వెరిఫికేషన్‌ను పూర్తి చేస్తున్నారు. జూన్ 24 పాస్‌పోర్టు సేవాదివస్ సందర్భంగా డీజీపీ మహేందర్‌రెడ్డి ఈ అవార్డును అందుకున్నారు. 

Short Description:

News : ది బెస్ట్ వెరిఫికేషన్ 2017-18 అవార్డు
Date : జూన్ 22 : తెలంగాణ పోలీస్‌శాఖ : పాస్‌పోర్టు వెరిఫికేషన్ ప్రక్రియను నాలుగు రోజుల్లో పూర్తిచేస్తున్నందుకు

సాహిత్య అకాడమీ అవార్డులు 2018

2018 సంవ త్సరానికి బాలసాహిత్య పురస్కారాలను నేషనల్ అకాడమీ ఆఫ్ లెటర్స్, సాహిత్య అకాడమీ జూన్ 22న సంయుక్తంగా ప్రకటించాయి. ఈ మేరకు బాలసాహిత్య పురస్కారాలకు 21 మంది, యువ పురస్కారాలకు 21 మంది ఎంపికయ్యారు. 22 భాషలకు చెందిన సాహితీవేత్తలతో కూడిన జ్యూరీ సభ్యుల బృందం కవితలు, చిట్టి కథలు, నవలలను రాసినవారిని ఎంపిక చేసింది. మాజీ ప్రధానమంత్రి జవహర్‌లాల్ నెహ్రూ జయంతిని పురస్కరించుకొని నవంబర్ 14 న బాలసాహిత్య పురస్కారాలను ప్రదానం చేస్తారు. అవార్డు కింద తామ్ర పత్రం, రూ.50,000 నగదును ప్రోత్సాహకంగా అందజేస్తారు.

విజయనగరం జిల్లాకి చెందిన బాల సాహితీవేత్త నారంశెట్టి ఉమా మహేశ్వరరావు రాసిన ‘ఆనందలోకం’ అనే బాలల నవలకు బాలసాహిత్య పురస్కారం-2018 దక్కింది. అలాగే ప్రభుత్వ పాఠశాలలో బయాలజీ టీచర్‌గా పనిచేస్తున్న బాలసుధాకర్ మౌళి రచించిన ‘ఆకు కదలని చోటు’ అనే కథా సంపుటికి యువకవి పురస్కారం లభించింది. 

Short Description:

 News: సాహిత్య అకాడమీ బాల సాహిత్య పురస్కారం 2018
Date : జూన్ 22 : నేషనల్ అకాడమీ ఆఫ్ లెటర్స్, సాహిత్య అకాడమీ

తెలంగాణకు ర్యాపిడ్ అగ్రికల్చర్ గ్రోత్ పురస్కారం 

తక్కువ సమయంలో వ్యవసాయ రంగంలో సాధించిన ప్రగతికి గాను తెలంగాణకు ‘స్టేట్ విత్ ర్యాపిడ్ అగ్రికల్చర్ గ్రోత్’ పురస్కారం దక్కింది. ఈ మేరకు ప్రముఖ వార్తా సంస్థ ఇండియా టుడే ప్రదానం చేసిన ఈ అవార్డును రాష్ట్ర వ్యవసాయశాఖ మంత్రి పోచారం శ్రీనివాసరెడ్డి జూన్ 24న ఢిల్లీలో అందుకున్నారు. 23 లక్షల విద్యుత్ కనెక్షన్లకు 24 గంటల పాటు కరెంటు సరఫరా చేస్తూ, కోటి ఎకరాలకు సాగు నీరు అందించేందుకు రూ.లక్షా 50 వేల కోట్లతో గోదావరి, కృష్ణా నదులపై కాళేశ్వరం, సీతారామ, పాలమూరు, రంగారెడ్డి, డిండి వంటి పలు ప్రాజెక్టులు చేపట్టామని పోచారం తెలిపారు.

Short Description:

News : ఇండియా టుడే ‘స్టేట్ విత్ ర్యాపిడ్ అగ్రికల్చర్ గ్రోత్’ అవార్డు
Date : జూన్ 23, తెలంగాణ ప్రభుత్వం, తక్కువ సమయంలో వ్యవసాయ రంగంలో సాధించిన ప్రగతికి